勁到識揸船！官恩娜囝囝帶媽咪去探險

歌手官恩娜（Ella）去年初下嫁中法混血醫生老公Domingo後，同年10月就誕下囝囝BéBé G，至今暫時仍然放下娛樂圈工作，全職留喺屋企湊仔，絕對稱得上係廿四孝媽咪！Ella經常喺社交網上載囝囝嘅生活照，希望紀錄住囝囝嘅成長。

唔經唔覺BéBé G已經一歲，識行、識走，仲識「揸船」㖭！Ella喺Instagram甫咗段片，影住BéBé G捉住軚盤左右轉，非常之精靈，作為媽咪嘅Ella見到囝囝快高長大當然開心，仲難掩喜悅留言：「帶媽媽去探險。」難怪網友都話睇見就覺得窩心！