鄭欣宜唔介意臨時頂上拍《老表》

藝人鄭欣宜與蔡瀚億（Babyjohn）新加入演出劇集《老表，畢業喇！》，兩人在將軍澳電視城進行拜神儀式。曾參與第一、二輯《老表》的王菀之因忙於開演唱會今次未能參演，而張繼聰則要陪伴有喜的太太，今次只能客串演出。

欣宜臨時應承參演

劇中男主角王祖藍透露欣宜是臨時仗義答應拍攝，問到欣宜可介意臨時拉夫﹖她說：「自己係《老表》fans，唔會咁諗，總之有機會演出、學習已經好開心。（會否希望好似張繼聰、王菀之一樣演出後跑出？）希望努力做好角色，觀眾鍾意，爆唔爆冇得諗，最緊要拍得開心，觀眾就睇得開心。」

Babyjohn唔諗會否爆紅

首次拍劇的Babyjohn在《老表，畢業喇﹗》飾演有錢仔，生活奢華，與鄭欣宜飾演一對歡喜冤家，他說：「讀中學嗰陣，祖藍係我哋學校嘅歌唱指導師，之後喺舞台劇又合作過。事前都有請教過張繼聰，《老表》感覺就好似一家人咁。」問到可希望好似張繼聰、王菀之一樣跑出？他笑說：「通常愈諗住爆出，就愈唔會爆出。」