鄧穎芝相隔5年再出歌：冇離開過娛圈

歌手鄧穎芝（Vangie）到電台宣傳新歌《Break It》，相隔5年再出歌，她解釋說：「因為我係自資嘅，要儲錢，之前我又去咗旅行玩，等等吓就到依家先出。」又指很怕被人形容為重新出發：「呢五年我都有做舞台劇，又有增值自己，其實冇離開過，一直keep住同娛樂圈有關，可能少喺幕前出現啫。」問到男友可有資助她出碟？她說：「冇，我哋經濟獨立嘅。」又透露男友之前並不知道她是藝人：「因為佢喺加拿大返嚟，依家知咗都冇咩特別，一個工作啫，都好嘅，同圈外人拍拖舒服啲，佢都明白我嘅，之前畀人影到佢會介意，但嗰次影得唔太清楚。」問到可已見家長？Vangie坦言：「未，我哋一齊唔係好耐，仲了解緊，佢依家喺香港做健身教練。（你介紹朋友去做健身？）盡量啦，佢嗰度要入會先可以做嘅。」

__________________________

想聽歌？想睇MTV？想了解本地Indie Band資訊

快啲click入「聲大夾樂」專頁： http://on.cc/musicon