淡出幕前　52歲梁榮忠轉攻導演

藝人梁榮忠以導演身份出席微電影活動，再次執導的梁榮忠透露微電影將會在電影院上映，他說：「因為傾好咗係60分鐘內，依家拍咗90分鐘，一陣要繼續剪，要犧牲某啲鏡頭。」現年52歲的梁榮忠近年主力做幕後工作，更承認向導演方向發展，他說：「有網絡電影搵我，如果有電影公司搵我做導演都想試，依家演員就唔特別再做，幕前會放淡。」

對於李克勤早前表示無綫邀他主持《殘酷一叮》50周年版，當年有份主持的梁榮忠說：「未同我講，我就未有能力配合，以克勤依家功力搞得掂。」隨即大讚克勤自導的新歌MV一流，記者即笑克勤搶其導演飯碗，梁榮忠笑說：「係喎，如果佢全職導演，咁我咪轉做歌手。」