做完肥婆做秘書！定欣難忘做茄哩啡辛酸

螢幕情侶陳展鵬、胡定欣齊齊現身「邵氏兄弟控股有限公司記者會」，講到公司將開拍新戲，問會否期待再以情侶檔合作？定欣笑言：「一直都講想拍《城寨英雄》電影版！（真係開？）未知呀！（情侶檔怕觀眾悶？）邊有咁快悶？！都好開心，有個好拍檔係難得嘅事嚟。」

向鄭裕玲挑戰

問展鵬較喜歡拍戲還是拍劇？他笑言：「試多啲類型好啲，多啲機會係好事。（幾時有期開拍先？）依家都得㗎！搞到自己好紅咁，拍完戲又拍劇，嘟姐（鄭裕玲）以前都有個名叫『鄭九組』，好犀利㗎，公司安排到都得嘅！」身旁的定欣聞言即說：「一日有多36個鐘就OK！」

問到最多同一時間開幾組劇，展鵬說：「三組，訓練班出嚟嗰陣，呢度企完一輪，再戴個頭套就去另一組畀人殺！」定欣則說：「兩組囉，做丫環咁，行行企企，冇乜戲份！《皆大歡喜》時裝版我都做咗兩個角色，做過秘書同肥婆，佢哋再搵我做秘書時我就講『肥婆我都做過喎！』工作人員竟然話唔會有觀眾認得，嗰吓隻眼都有淚光，都係好好嘅回憶。」展鵬聞言即笑謂：「女仔一出訓練班通常都會做青樓女子！」

__________________________

想聽歌？想睇MTV？想了解本地Indie Band資訊

快啲click入「聲大夾樂」專頁： http://on.cc/musicon