鄭國江收巨型蛋糕補祝75歲生日

20161027
東網電視
更多新聞短片
雖然鄭國江嘅75歲生日已經過咗,不過一班嘉賓都好有心送上巨型蛋糕慶祝。
著名填詞人鄭國江(鄭老師)出席伊館舉行的4場「鄭國江45周年名曲。巨星演唱會2016」,以西裝示人的鄭老師在台下睇足全場,並獲群星送上巨型蛋糕慶祝今年3月75歲生日,問到鄭老師請嘉賓是否碌了很多人情卡?他說:「大家都係好朋友,好錫我唔使碌。(有冇啲嘉賓想搵而嚟唔到?)小鳳姐(徐小鳳),佢啱啱做完演唱會,大家都好掛住佢,其實佢對我好好。(令個唱美中不足?)唔係,我哋好多場合一齊,好似我攞獎同展覽,佢都有嚟捧場,大家會傾電話同飲茶,娛圈入面佢係其中見得最多嘅一個。」
由於鄭老師有二千多首作品,問到揀歌是否很頭痛?鄭老師說:「咁耐歷史同唔同階段都有好作品,有啲冇合作嘅歌手都想嚟,好似馬浚偉同張敬軒,馬浚偉要做舞台劇。」另外,鄭老師切蛋糕後說:「好開心,從來冇當係工作,唔經唔覺做咗45年。(生日願望?)希望可以成日見到你哋。」