好彩有操開!黃宗澤做飛虎唔敢有肚腩
藝人黃宗澤將會參演邵氏一套約三十集的大型警匪網劇《飛虎極戰》,他表示於下年五、六月開拍,因為要遷就苗僑偉及自己檔期。他謂:「警匪片係香港嘅特色,其他地方拍唔到呢個味道,拍劇以嚟做過CID、保護証人組、領犬員都做埋嘞!第一次做飛虎。」問新劇會否晒肌時,黃宗澤坦言向來有操開,不過都要睇劇本,他謂:「唔通槍戰緊要除衫咩?!我未睇劇本。(做咗心理準備未?)心理同生理都準備好,唔通做飛虎有個肚腩咩!都會出埠拍,主要喺海灘。(網劇主要打內地巿場?)都唔知㗎!依家啲點擊率都好犀利。」