前亞視藝人張立基及張煒等，偕同前亞視高層葉家寶現身維園出席慈善活動。張立基帶同太太前來支持，聞得葉家寶希望重組亞視時，他即趁機搲撈謂：「開劇記得預埋我喎。」

談到手頭上的工作，張立基表示要轉型：「始終歌手喺香港發展機會唔多，我嘅經理人都幫我傾緊拍微電影，拍嘢都幾好玩。（有冇同太太傾再生B？）我鍾意小朋友嘅，但照顧都幾辛苦，隨緣啦，睇天。」他又指聖誕節前自己會與歌手莫鎮賢等演出已故天后梅艷芳的紀念活動，收益撥歸慈善用途。

至於葉家寶則表示已與部分亞視股東達成股權轉移協議，對於成功重開亞視有一定信心，不過現階段未能透露確實開台日期：「因為程序比較複雜。開台會轉向網絡發展，我都會培訓新人，或引薦、或招募，仲有唔同類型全新節目，總之亞視會以全新形象見大家。」