【「胸」贏家姐】黃心穎唔怕同心美爭仔

無綫小花黃心穎以tube dress上陣，出席旅行用品品牌周年活動，胞姐黃心美充當大會司儀。心穎與小朋友合照時，更毫不介意蹲低半身，不經意露出事業線，非常性感。台上心美大爆心穎的「甩轆」瘀事，心穎不單直認，還忘形自揭謂：「我仲試過將行李搬落酒店大堂，點知行咗一半，個篋甩咗兩個轆喇！」

一樣多瘀事

事後心穎受訪，表示自己「旅行趣事」多籮籮：「試過錯過咗班火車，搞到訂咗嘅day trip都冇埋，損失幾千蚊。以前選美喺泰國返香港，點知唔知醒，最後要將啲日用品全部掟晒入篋度就走，好彩鎖到篋咋。」心美聞言笑說：「我試過去到機場，先知我訂嘅係尋日嘅飛機，足足遲咗1日，我哋兩姊妹真係唔可以兩個單獨去旅行㗎。」

自己鍾意有才華

問到揀男友是否要如行李箱般耐用，心穎謂：「梗係，仲要照顧到我。其實一齊去旅行最睇得出個男仔係點，我最憎男仔去旅行太過冇plan，以前試過，返嚟感覺點都會加加減減（分數）嘅。」心美則直言兩姊妹口味不同，心穎笑指家姐喜歡帥哥，自己喜歡有才華，故不會出現「爭仔」的情況。

__________________________

想聽歌？想睇MTV？想了解本地Indie Band資訊

快啲click入「聲大夾樂」專頁： http://on.cc/musicon