邊個嚟?陳鍵鋒自揭曾跟圈中人搞地下情

20161030
東網電視
更多新聞短片
陳鍵鋒話佢當年同過一個圈中人秘密拍拖,唔知係邊個嚟㗎呢?
藝人陳鍵鋒日前接受有線娛樂新聞訪問,期間他自爆曾與圈中人秘密拍拖,他說:「知道呢件事嘅人好少,當時真係冇諗過公開,做藝人返工已經赤裸裸畀大眾睇晒,兩個人嘅事當然希望低調啦!」鍵鋒指時至今日才出口「認愛」,無非只因當年情早已逝去。問他於日後會否秘婚?他說:「可能㗎,我係突然黐起條筋乜都會做嘅人!」他稱本身性格小心,凡事會三思而後行,他在感情上更不敢張揚,他說:「以前朋友間總覺得馬明(馬國明)係最內斂嘅,但我覺得自己先係收得最埋嗰個!」
同朋友Say Sorry
鍵鋒又大爆自己有日向一眾圈中好友如林峯、吳卓羲及馬國明等坦白Say Sorry,他笑言:「朋友圈有林峯,吳卓羲,馬國明等,我同佢哋告白講對唔住。因為以前黃毛小子把口唔叻,又唔識表達,造成種種誤會,諗番起都覺得遺憾!」早已離巢無綫的他自認最早「離家出走」,但他現時經常在橫店與吳卓羲及林峯等碰頭,總算補償到出走後的兄弟情。鍵鋒又自言近年學會與人相處的藝術,故性格亦見收斂。
__________________________
想聽歌?想睇MTV?想了解本地Indie Band資訊
快啲click入「聲大夾樂」專頁: http://on.cc/musicon