田蕊妮揭蕭正楠阿廉有路:去廁所都一齊

20161031
東網電視
更多新聞短片
田蕊妮再與蕭正楠、曹永廉合作,充滿默契。
藝人田蕊妮出席無綫新劇《超時空男臣》拜神儀式時表示,終於可以舒服地演喜劇,劇中主要交待她帶領三位男臣蕭正楠(Edwin)、曹永廉及何廣沛從古代來到現代,更任由她作弄,阿田笑言與男臣相處融洽,但埋位時卻經常忍不住笑,還爆阿廉及蕭正楠甚有「hehe」feel,她謂:「佢哋一齊好麻甩,但又懶溫馨,去廁所都要一齊,使唔使咁恩愛呀!好離譜,不過能夠喺TVB搵到一段姻緣,都好戥佢哋高興。」
放棄孖辮Look造型
雖然鏡頭前玩盡兩男,但阿田卻指他們於Cut機後秒速抽離:「我係好投入角色,但佢兩個亦抽離得好快,鏡頭後唔聽我點,都唔專業嘅,仲要每一個Shot都抽離到,唔係幾妥。」談到早前孖辮Look試造型,阿田自言與年齡不符,與監製商量後決定送放棄,她謂:「雖然我真實年齡唔係相差好遠,但都係自然啲比較好。」
喵星人討小朋友歡心
對於近日播出其主演的新劇《來自喵喵星的妳》,她飾演的喵星人深得小朋友喜愛,於街上被市民讚得意又可愛,她說:「啲人不嬲都覺得我好強,行出嚟個氣氛好強,所以從來唔會有呢兩個形容詞放喺我身上,好開心可以同大家好親近。」