藝人黃宗澤出席品牌活動，他透露將要回橫店拍內地劇《那片星空那片海》與馮紹峰及郭碧婷飾演人魚角色要上裸半身，他說：「都要拍兩、三個月，天氣又凍，又要游水，要忍口唔食嘢。（下身係點？）下身用電腦造。（露兩點，有人魚線？）都要有。（有幾多嚿腹肌？）六。」提到與無綫約就到？他表示：「差唔多，係有啲動向，唔好迫我，下次講。」

提到被指有意與堪輿學家司徒法正到馬來西亞投資種生基度假村，他否認傳聞：「種菜都唔識，何況種生基，種生蠔吧啦。（點解會有咁嘅傳聞？）唔知，好多人都打嚟問我係咪投資，唔想令人誤會。（去馬國做乜？）搞生意買樓。」他表示自己信佛教，不信風水。