激光矯視成功　陳凱琳冇得化妝望電話

眼大大嘅陳凱琳（Grace）原來有400幾度近視，佢早前出席活動就話想去做激光矯視手術。事關劇接劇嘅Grace，拍劇要長時間戴隱形眼鏡，既唔方便亦對眼睛唔好，不過話晒手術都有一定風險，所以佢都考慮咗一段時間。

今日Grace就喺Instrgram甫相，話已經做咗手術，仲留言多謝大家對佢嘅關心，Grace透露依家冇得化妝同玩電話，要乖乖休息咁話：「多謝大家關心我雙眼！手術非常成功！我正在慢慢康復中！唔講咁多啦～我要乖乖休息，唔准化妝，又唔可以經常望電話～所以暫時放一張舊相畀大家睇住先！」