何雁詩自爆生日飲醉酒

歌手何雁詩出席活動，剛度過24歲生日的她自爆當晚飲醉酒，她說：「當晚真係好盡慶，有好多朋友一齊慶祝。（男朋友？）冇，男性朋友，有圈中同圈內人。（醉得好勁？）唔知。」當問到在哪裏留宿？何雁詩笑笑口說：「返咗屋企瞓，因為第二日要去朋友到攞番啲電話同銀包。（有男仔送返屋企？）的士司機，記得有人掟我上車，我返到屋企按門鐘嘈醒全家人。（有冇男仔趁生日約你？）冇喎，連禮物都冇收到。」在網誌透露左眼生眼挑針的何雁詩被取笑生日當晚睇完不潔東西，何雁詩大笑說：「唔係，可能床邊種咗盤新植物，植物有蟲搞到咁，一陣會去睇醫生。」