撇釗峰Jase出歌！On仔阿King玩男人的浪漫

男子組合C AllStar最近成員由4變2，陳健安（On仔）和吳崇銘（阿King）撇下梁釗峰（釗峰）和Jase，2人合唱新歌 《兄兄我我》，填詞人黃偉文（Wyman）除了為歌曲命題，更改英文名「Bromance」，顧名思義這首歌主題講「男人的浪漫」。

晒麒麟臂背肌

日前On仔和阿King在足球場拍MV，期間他們大顯腳法好威風，豈料On仔慘被足球省中「小On仔」，他即時痛到成個彈起，按住下體踎在地上又痛又尷尬，身旁阿King立即上前安慰。而這MV亦有派福利益Fans，就是On仔和King齊齊洗白白，阿King展示暖男一面替On仔唧洗頭水，On仔則騷肌展雄風大晒麒麟臂和背肌，非常搶鏡。

一齊食豆腐火腩飯

問到為何今次新歌撇下其他兄弟，兩個男人唱《兄兄我我》？阿King笑說：「因為兩個人先至可以卿卿我我，今次MV好多造型，除咗足球員Look，仲有一幕延續上次歌曲《聲音騷了》MV，我哋再以『車房On』和『叉燒King』嘅造型亮相，一齊食豆腐火腩飯，演繹男人的浪漫。」問甚麽是男人的浪漫？King說：「做兄弟唔使講咁多，但會留意好多細節，例如知道對方想要嘅嘢，會為佢準備，但唔會講出嚟，明㗎啦！」On仔瀟酒地說：「男人之間拍拍膊頭就互相安慰！」King補充：「有時一個眼神，得啦，咁就係男人的浪漫！」

被配成「一對」

據悉在C AllStar歌迷圈裹，將On仔和阿King配成「一對」，原來他們也知道，On仔說：「四個之中，我同阿King最早相識，大約2009年，釗峰同Jase係後來加入嘅『插班生』。」阿King說：「雖然我哋四個都好有默契，但我同On仔默契係高啲啲，可能因為有段時間住埋一齊，多一份生活上默契，喺台上一個眼神就知佢想點！」On仔強調：「我哋住埋一齊，但唔同房㗎！」

__________________________

想聽歌？想睇MTV？想了解本地Indie Band資訊

快啲click入「聲大夾樂」專頁： http://on.cc/musicon