女神幻滅！四眼心穎BB箍牙標痘…

藝人黃心穎、黃智雯、黃智賢、C君及麥嘉倫等現身電視城，出席新劇《雜警奇兵》造型記者會。心穎以四眼、箍牙、痘痘Look示人，講解角色時，被拍檔C君取笑流口水，智雯則戴上道具假肚，扮懷孕6個月的孕婦。而負責擔任司儀的麥嘉倫，則似是身體不適，面部表情欠自然。

兜個圈讚自己靚

心穎坦言甚Like自己嘅箍牙Look，她說：「頭先好多同事都覺得呢個Look好襯我，我5年級時都係箍牙戴眼鏡，不過就冇乜青春痘，嗰時我皮膚黑啲，因為鍾意打籃球。講到戴牙箍，我好有經驗！劇中我會變番靚，變番平時嘅我囉！」

介意同C君拍咀戲？

心穎又指與C君有感情線，她說：「今次第一次同C君喺戲劇上合作，我估佢應該會爆肚作對白，到時我可以學嘢。C君絕對係有才華嘅男仔，好有急才，通常搞笑嘅人，識嘅嘢好多，咁先搞到笑！（有親熱戲？）我咁嘅樣應該冇，變靚之後就未知。（介意拍咀戲？）應該唔介意，但箍牙嗰陣就唔好，大家都痛！」

__________________________

想聽歌？想睇MTV？想了解本地Indie Band資訊

快啲click入「聲大夾樂」專頁： http://on.cc/musicon