戴千萬首飾襲旺角　嘉玲爆偉仔意國遇地震

藝人劉嘉玲戴上價值千萬的首飾出席珠寶店開幕活動，現場人頭湧湧，逼爆商店。嘉玲表示自己很久沒有到旺角，笑言：「又見識到嘢，好熱鬧、好多金舖，應該吸引好多遊客。」問可有想過投資珠寶公司？她認為這是一個很龐大的工程：「係女仔都鍾意珠寶。（有冇自己設計過？）諗過，不過我唔識畫圖，啲石嘅配搭又唔識，欣賞人哋巧奪天工嘅作品仲好。」

多年來劉嘉玲收藏了很多珠寶及首飾，每逢生日、喜慶日子都會買首飾氹自己開心，老公梁朝偉亦會送首飾給她。問朝偉通常會在節日送還是驚喜地送上時，她說：「撞啱，佢喺歐洲拍戲，經過見到古董珠寶，知我鍾意會買畀我。（之前意大利地震，朝偉喺嗰邊，你擔唔擔心？）佢第一時間同我講。佢離震央唔係好近，天災人禍避唔到，自己小心啲OK。」

唔知王菲喺香港　

另提到好友王菲返港，問可有約見面？她坦言不知對方在港，因自己近日常在內地。問可知道王菲做眼部手術？她說：「唔知，一陣返去問佢。」

__________________________

想聽歌？想睇MTV？想了解本地Indie Band資訊

快啲click入「聲大夾樂」專頁： http://on.cc/musicon