梁家玉爆雷頌德成年冇放過假

音樂人雷頌德（Mark）與太太梁家玉（Jade）出席商場聖誕節裝飾揭幕活動，提到聖誕節行程，Jade表示會到新加坡五日，亦會去主題樂園，她說：「好難得抽到時間，有小朋友要近啲，我忙緊cook book，佢就忙Leon演唱會，佢成年冇放過假。」

提到烹飪書，Jade表示：「仲未影到相，我忙，雷生又忙，時間好難夾，想聖誕出。（差幾多？）有四十幾款菜，差十款。」Jade又透露全書以及封面相均由老公操刀，又謂攝影師非老公莫屬。Mark表示：「我影得唔靚，佢可以話我，其他唔得。」

提到黎明演唱會，Mark表示好新穎，第一次室外全企位之餘，買飛亦要上網買，他說：「今次我係演唱會監製，唔係音樂總監。（企鵝主題咩意思？）因為全企位，今次耳目一新，因為企，所以由頭到尾都要興奮。（Leon排舞？）係。（明福俠會唔會出現？）呢個賣關子先。」