仲有料爆? 劉愷威發律師信怒斥造謠
藝人劉愷威與楊冪自結婚後極速生B,一家三口樂也融融,不過由於佢哋長時間分隔異地各有各工作,不時都會傳出感情有變嘅傳聞。尋日就有網媒爆出劉愷威同拍檔內地女星王鷗嘅緋聞,話佢哋喺酒店夜會。
追究到底
事件爆出之後,尋日出席公開浩動嘅楊冪已經快速回應事件,講明無論發生任何事都會相信老公劉愷威,而劉愷威喺微博否認事件之餘,亦解釋去酒店房係同拍檔對劇本。正當大家以為事件就此告一段落時,接近凌晨時段,內地有網媒在微博表示就事件會再有料爆,不過實際有乜嘢料就未有透露。相差唔夠半個鐘,劉愷威嘅經理人公司立即出律師信怒斥爆料者,更指該言論已經嚴重傷害咗劉愷威嘅名譽,表示會採取法律措施追究到底。
雖然劉愷威已經出咗律師信仲講明會追究,但內地網媒方面未有作出回應。
__________________________
想聽歌?想睇MTV?想了解本地Indie Band資訊
快啲click入「聲大夾樂」專頁: http://on.cc/musicon