開騷最緊要係乜？張敬軒教路：唔好騰雞

王菀之（Ivana）、張敬軒明年將合體舉行演唱會，兩人以前合作過無數次，談到過往的合作趣事，軒仔在電台訪問中表示最記得有次做音樂會，綵排時他因放聲去嗌去練，點知就嗌到失聲，搞到開騷時要打開聲針，他說：「不過知道有Ivana呢個拍檔就好放心，因為大家可以互相照應。」而Ivana就記得當時她幾乎餓到暈低，因為歌手做騷都要瘦身，她說：「嗰時我成日都唔食嘢，搞到頭暈暈，幾乎暈咗。」軒仔表示當年兩人都不懂得照顧自己，所以他眼見一些新人第一次演出時緊張到不得了，他說：「又騰晒雞，其實唔需騰，最緊要enjoy個騷，你顧住騰，其實個騷好快就完咗，嚟緊我哋演唱會，我一定唔會畀自己有啲咩遺憾發生。」王菀之即寸嘴笑說：「你唔好咁講，我同你講唔好咁老定。」

兩人合作多年，但他們異口齊聲表示大家都沒有什麼改變，軒仔說：「尤其是王菀之，喺我眼中佢啲缺點亦都係佢嘅優點，佢唔鍾意應酬，唔係一個世故嘅人，所以有時佢唔出聲，人哋會以為佢口黑面黑，你熟佢就知佢個人係好熱情，唯獨覺得佢變，係結咗婚後，我覺得佢變得更多色彩。」

__________________________

想聽歌？想睇MTV？想了解本地Indie Band資訊

快啲click入「聲大夾樂」專頁： http://on.cc/musicon