王菀之迫張敬軒開騷「降兩度」

歌手張敬軒與好友王菀之（Ivana）明年二月將合體於紅館開騷，他們接受電台訪問時，笑言想安排勁歌熱舞的環節：「支持我哋嘅人唔會介意我哋跳型舞定核突舞，但我哋都係向專業嗰邊學習，出嚟咩效果就好難講！」

問到軒仔屆時可會再化身為「降兩度」？Ivana即搶着笑說：「佢一升上嚟我就即刻降番佢落去！」而兩人提到網上曾有篇文章以兩人多年來的友情作主題，名為《有一種友情叫王菀之與張敬軒》：「我哋睇完眼濕濕，好想搵個作者出嚟，內容全部都係真嘅，呢啲雖然我哋經歷過，但從來冇回頭望過，原來我哋係一齊行咗咁遠，同埋變成文字係咁有力量嘅！」