讚老婆廚藝高超　陸永孖細女食到傻癡癡

歌手陸永老婆Rainah經常喺Instagram上載兩個囡囡嘅生活點滴，深受唔少網民愛戴，兩個囡囡人仔細細已經有唔少粉絲！Rainah最新上載咗陸永同細女Kenzie食飯嘅合照，相中兩父女掛住食，連被偷拍咗都唔知，Kenzie仲食到咪眼兼嘟嘴，真係cute到爆！Rainah留言寫道：「豬骨啫～～～又唔係豬脷要咁陶醉嗎？」之後陸永都有轉載，並留言：「陸太煲嘅豬骨湯令到我哋兩父女如痴（癡）如醉。」陸永就算工作幾忙，對家庭都唔會忽略，時不時都會喺社交網站晒家人嘅相，認真溫馨。