陳展鵬睇好胡定欣冧莊視后

藝人陳展鵬、胡定欣現時頻頻以「情侶檔」示人，定欣於《在地同行 跳躍飛騰 TVB邁向50周年星光晚宴》活動後接受訪問時坦言：「幾好呀！頭先觀眾都好支持，好支持《城寨英雄》呢個團隊！」她又坦言鍾意以情侶檔接job，而展鵬又表示《城寨》未出時，二人已雙雙去過馬來西亞及加拿大登台搵真銀。問到新年、聖誕檔期會否加價？定欣笑謂：「總之我哋好抵用，多啲搵我哋啦！」

說到台慶頒獎禮快到，定欣坦言對《城寨》團隊很有信心。問會否互投對方一票，展鵬笑言：「唔使投佢都好大機會冧莊視后，但你就要投我一票，男仔競爭係好大，好多對手。」定欣又識做表示投展鵬一票。