擁有34C魔鬼身材嘅無綫藝人利穎怡（Joan），參加TVB第26期藝員訓練班入行，現時為娛樂資訊節目《東張西望》嘅外景主持，曾遠赴加拿大同內地多個城市冒險實地採訪天災事故，但最令網友印象深刻嘅係佢着白背心報道搶包山，激凸身材令佢成為《東張》咪神！Joan除咗口才出眾，演技都有番咁上下，客串過多套劇集，扮演過護士、Sales、鄉下妹，造型多變。

孖兩仔玩「3P」

除咗電視上可以見到Joan，最近佢更開咗條YouTube Channel，以Youtuber身份同大家見面。拍攝多套愛情網劇嘅Joan，成為近期網絡紅人。上星期Joan上載咗一段最新嘅愛情網劇《Friends with Benefits 好朋誘》宣傳片，片中Joan多次大膽演出，着住性感吊帶睡衣，大晒深長事業線，分別跟兩個劇中男主角大玩「3P」，兩個男主角同樣係TVB第26期藝員訓練班嘅袁鎮業、譚永浩，佢哋大玩床上纏綿遊戲，又擺出多個調情動作，當中包括錫頸、含手指、逗下巴等等。錫頸期間，Joan更使出「先聲奪人」，傳出陣陣冧叫聲，唔少網民都話畀佢嘅「呻吟聲」俘虜，佢哋留言大讚Joan嘅叫聲夠晒銷魂，淨係聽聲已經暈晒浪，都相當期待網劇嘅首播。

網民嗌唔夠喉

今日Joan終於上載《Friends with Benefits 好朋誘》嘅第一集，劇情講述Joan同前度袁鎮業飾嘅一段愛情故事，但係最終「被分手」。3年之後，Joan戀上新男朋友（譚永浩飾），不過Joan心入面對前度始終念念不忘，每次重遊舊地，佢都不禁諗起同前度嘅開心回憶。第一集片長3分幾鐘，Joan着性感睡衣分別同兩位男主角床上調情嘅畫面好快就出現。雖然每幕只得一、兩秒時間，Joan嘅深長事業線已令網民嘅鼻血不止，不過有部份網民睇完直呼唔夠喉，仲話驚喜位有限，更話對第一集有少少失望。

網民有話兒

Jx Dhxxlon：她的叫聲已將我融化，期待網劇播出。

oxanxc：利穎怡身材真係正，唔大又唔細，簡直魔鬼身型。

Kxxmy：第一集無乜嘢睇，期待佢之後嘅演出。

Emxa cxxan：第一集不是要較吸引嗎/為何驚喜這麼少？失望......

__________________________

想聽歌？想睇MTV？想了解本地Indie Band資訊

快啲click入「聲大夾樂」專頁： http://on.cc/musicon