雪雪孖四女圍坤坤　網友：全部都係波

歌手吳業坤（坤坤）自入行至今都畀人傻傻戇戇嘅感覺，不過異性緣就相當之旺，不時被靚女包圍，而且曾經同多個女星傳出緋聞，搞到啲巴打勁葡萄佢，仲話佢「偽毒」扮傻溝女。呢日曾經同坤坤傳緋聞嘅孫慧雪（雪雪）不避嫌，聯同陳芷尤、陳婉衡、朱智賢和陳煒包圍坤坤大整蠱，網友笑坤坤畀5條事業線照住，日後事業一定更上一層樓，搞到坤坤一臉尷尬。雪雪喺ig公開相片，仲得戚留言話：「陷害坤哥圖之偽毒可恥，坤哥你死梗。」再次令巴打酸溜溜話「全部都係波」。