一秒搞掂！祖藍高過高比拜仁

藝人王祖藍雖然冇六呎身高，不過靠其超卓嘅口才同腦筋急轉彎，無論喺演藝界定係司儀界都有卓越嘅成績，仲娶埋華姐老婆李亞男，真係愛情事業兩得意。除咗以上嘅才華，原來祖藍對P圖都好拿手，呢日佢上載一張同高人一等嘅前NBA球星高比拜仁合照。原本祖藍嘅高度只在高比拜仁嘅膊頭，不過經佢換面P圖，網民都笑高比拜仁變成小短人，相當得意。祖藍留言：「兩個世界。」唔通P圖都可以令佢放眼世界？