【有5個老婆】黃宗澤使半百萬買古董車

2016年11月16日 15:30
東網電視
更多新聞短片
咁花心?

藝人黃宗澤(Bosco)於東港城出席《東港城 x 變形金剛 - 基地保衛戰》揭幕禮嘉賓,與衛詩雅及新鴻基地產代理有限公司租務部助理總經理吳小偉主持揭幕儀式,Bosco與衛詩雅齊齊將變形金剛砌成一架車,見衛詩雅雞手鴨腳就出手幫對方!

Bosco表示喜歡變形金剛但未有收藏,被問年少時是否愛打機?他謂:「係,我鍾意車!」更自爆花港幣半百萬從美國購入美國古董車Musclecar!他說:「男人唔係車就音響同相機㗎啦,都係衰其中一樣㗎啦。(總數幾多?)未知,因為未計稅同運費,依家運緊嚟香港。」更透露古董車來自六十年代,雖不是限量版但屬香港少見的車,而且更找專人將車改成右軚,被問養車費會否很貴?他說:「原來維修起嚟仲簡單,因為係機械唔係電子,有零件就得。」

他又指目前有五架車,但全都是媽媽名下,被問會否被人覺得「敗家」?他說:「兒時夢想嚟㗎,渴望咗好多年。(再買下一架?)唔啦,淡定啲,都有啲衝動啦。」又指自己有強迫症,即使車有少少花都會立即維修,談到若女伴坐他車會壓力大,他說:「係㗎,女仔啲高踭鞋kick到我都會望一望咁!」又笑指已有五個「老婆」生活在停車場生活,不會被媽媽催婚。