「五個小孩」再合體　童言童語勁cute

五位可愛童星王詩雅（珠女）、陳麗兒（Jennie）、李詠珊（Kitty）、何涴瀠（小雪）及傅舜盈（嘉嘉）近日再度合體，一起率先體驗「CUE CHILDREN」的禮儀課程。五人在堂上非常踴躍參與，不時舉手答問題，課後仍能說出學會了要有禮貌、有耐性及對人好，證明有認真上堂！問到五人中誰最有禮貌？她們沒有會爭做最好，反而說：「全部都好好。」而她們表示平日會為媽咪分擔家務，例如洗碗抹地，珠女更會幫忙照顧妹妹，她說：「媽咪通常都要我同佢玩，唔知點解，我就會餵佢食嘢。」五人亦承認有時會激嬲媽咪，但最終會和好，當Jennie提到試過捉蝴蝶放上母親的頭上時，其他小孩即指出她的行為是在欺負小動物：「你捉住佢（蝴蝶）佢都唔開心，我捉住你你開唔開心？」似乎令Jennie有所反思。

而五人同樣喜歡小動物，甚至家中會飼養寵物，Jennie除了會餵金魚吃東西外，更會幫細金魚出頭，年紀輕輕已識「見義勇為」，她說：「大金魚有時會蝦啲細金魚，我會幫細金魚，嚇一嚇啲大嘅金魚。」一講到金魚，小雪就憶起之前曾因一次意外令其飼養的金魚死去：「我舅父打開個魚缸餵魚，之後唔記得閂番，啲金魚就跳咗出嚟。」但當問到她是否很傷心？她卻說：「我唔傷心喎，因為我舅父送番啲烏龜畀我。」童言童語，加上出人意表的答案，為大家帶來無限歡樂！