藝人黎耀祥（祥仔）、胡杏兒主演的無綫劇集《巾幗梟雄之諜血長天》，將緊接下星期一首播的劇集《致命復活》於翡翠台九時三十分播放。除此之外，之前被抽起、由馬國明主演的《流氓皇帝》亦會於12月12日晚上八時三十分播映。

相信有人會重睇

而之前《巾幗梟雄之諜血長天》於myTV SUPER播映完畢，口碑亦相當不俗，現時劇集再於翡翠台播放，主角黎耀祥接受《東網》訪問時謂：「好事吖，套劇之前好多話題、好吸引，喺myTV SUPER播映時都吸引咗好多客戶，仲有朋友為咗追呢啲劇集特登買小盒子追劇。又有個朋友媽咪，一個星期追晒30集，唔使限時限刻睇劇嘛！依家翡翠台播，希望可以吸引更多觀眾，我亦相信會有人重睇，所以對收視我好有信心。」

提到有指祥仔明年會接拍監製王心慰的新劇，他說：「係呀，已經預咗個檔期出嚟，不過，拍檔、故事暫時其實都未知，出年四月我都要做《風雲5D音樂劇》，做完先再拍。」

此外，馬國明受訪時表示《流氓皇帝》這次能順利播出感到很開心，他謂：「當然開心，我都覺得個劇本好好，希望多啲觀眾鍾意啦！」