胡諾言爆囝囝勁曳：換片嗰陣支槍周圍射

藝人胡諾言到電台接受訪問，他表示現時有拍廣告，十二月尾會開劇。講到老婆陳琪最近誕下兒子，他表示多謝李居明師傅為囝囝改了「胡澔錕」這個名字：「我哋好鍾意個名，不過可能囝囝大個會問點解個名咁多筆劃，但希望佢健康開心。」他又笑言現時回到家很嘈：「女話做功課，仔就扭計喊，但都係樂趣。」

問到湊仔還是湊女辛苦些？胡諾言笑言：「呢個小朋友好為食，我哋三個鐘就會餵奶，但佢兩個幾鐘就會扭計喊，但兩個女就會乖啲。同埋呢個可能屬猴，所以就活躍啲，一換片隻腳就撐嚟撐去，換片嗰陣支槍就周圍射（指仔仔屙尿），以前女就未試過。（有冇噴濕塊面？）咁又冇，但都係幾好嘅回憶。（湊仔係咪冇覺好瞓？）依家過咗一個月好啲，但頭兩、三個星期就辛苦啲，依家老婆都有問幾時可以幫手照顧番小朋友，因為之前都係我湊，但我就話遲啲先。」問到可會幫囝囝搞百日宴？他表示：「會嘅，但都係出年一月嘅事，會同啲好朋友食飯。」

__________________________

想聽歌？想睇MTV？想了解本地Indie Band資訊

快啲click入「聲大夾樂」專頁： http://on.cc/musicon