王菀之拍喊戲流乾眼淚　向鮑起靜偷師

歌手王菀之（Ivana）近日參與催淚電影《大手牽小手》，不過當中也不乏發揮搞笑本色機會，笑指拍攝時挑戰並非很大，皆因僅負責被催淚，以及同出歡笑。

談到戲中最難忘一場戲，Ivana首推醫院中一場喊戲，她謂：「呢場戲講述瞓喺病床嘅鮑姐（鮑起靜）叫黃浩然轉身一分鐘，呢場戲好感人，拍到我大頭已經第9 take，之前拍咗8 take，眼淚都流乾晒，以為到自己拍大頭戲時喊唔出，但鮑姐同浩然啲戲太好，我好快就順利入戲。」難得與好戲之人鮑姐合作，Ivana笑言光看着鮑姐一舉一動一個眼神，對她來說已是在上堂。

對於喜劇與催淚劇中，Ivana坦言兩者滿足感不同，拍攝喜劇過程連自己也笑到不得了，而且又能帶出正能量及歡笑給觀眾，故未來日子，亦想嘗試其他不同角色，但基於自己是基督徒，故盡量不接鬼片，她謂：「我盡量唔拍驚慄片，雖然好喜歡睇，但唔想拍一套戲去嚇人，可以選擇就想拍浪漫愛情片！」而Ivana亦為該片創作了主題曲。