藝人陳凱琳（Grace）戴上太陽眼鏡出席《萬千星輝賀台慶》拜神儀式，連續第四年擔任司儀的她說：「其實每年都有每年嘅緊張，希望今年比往年更加淡定，除咗司儀工作，我哋一班港姐仲會載歌載舞，我由唔熟跳舞，到訓練到有把握，希望當晚有一個精彩嘅演出。」

讚嘉穎投資有道

提到男友鄭嘉穎斥資逾2千萬在何文田買入「磚頭」，Grace說：「係有呢件事，但詳情留番佢自己講。（介意佢同佘詩曼喺同一屋苑做業主？）唔會，希望佢兩個都做咗好嘅投資。我自己唔係好熟買樓投資，都要問吓人。（問男友？）我都要儲啲錢先，佢做投資係好穩陣，知晒所有嘢，好安全，有保證先做。」

唔會未婚懷孕

對於有傳吳若希佗B，她說：「我唔知，佢私人嘢，我唔清楚。（你接受未婚懷孕？）我自己就唔會，我希望結咗婚先，但人人睇法唔同，會尊重大家。」