訓練做小廚神？唐寧笑囝囝成日搞搞震

藝人唐寧在尖沙咀出席「澳門小廚神學堂 x 轉澳斯於頒獎典禮」。她表示日前與5歲囝囝到澳門參加兩日一夜的「小廚神訓練營」，邊學邊玩：「之前同過佢去新加坡，今次係第二次！」她笑指囝囝當時不停搞搞震：「真係比賽嗰時，佢去咗隔籬檔，喺度話『你嗰個炒飯都幾好喎！』（似係得你玩？）佢都有幫手嘅！」問會否帶囝囝去街市買餸，她表示囝囝間中都會跟住去：「但想快就會自己一個，如果唔係就唔知畀佢帶咗去邊！其實係要帶，親身睇嗰樣嘢係好重要，因為煮咗之後同原本係唔同。（到街市會搞搞震？）依家大個咗好啲，嗌得住！」