素顏陳妍希晒合照　楊丞琳畀網友催婚

台灣女星陳妍希今年七月雙喜臨門下嫁內地男星陳曉，唔經唔覺陳妍希現時佗B踏入第7個月。專心安胎嘅佢，呢日趁住咁空閒嘅日子，即約咗好姊妹楊丞琳出嚟聚舊！之後，楊丞琳喺微博上載同陳妍希嘅自拍照，見陳妍希圓潤咗唔少，素顏上陣嘅佢仲氣息好好，成個幸福小女人咁?，唔怪之得啲人成日話佗B嘅女人特別靚啦！

另外，唔少網友見到兩人嘅合照後都紛紛向楊丞琳催婚，仲話希望佢都快啲同內地歌手李榮浩結婚，咁就可以生番個B做媽媽！