個個你都識!《香港八一》勁多巨星客串

20161120
東網電視
更多新聞短片
回憶番晒嚟!
無綫拍過咁多套劇,邊套先至係最長壽?你以為係播咗1,128集嘅《真情》,錯,其實係1,330集嘅《香港八一》系列先至啱。《香港八一》由81年開始播放,每集都會揀選社會熱話,以輕鬆手法諷刺時弊,每一年都會改一次名《香港八二》、《香港八三》如此類推,唔覺唔覺播足六年,可以話陪住唔少香港人成長。
當中好多角色都深入民心,好似開「銀禧小食店」嘅老闆「懋叔」黃新、懋叔姨仔「順嫂」梁葆貞、巴辣到出晒名嘅「牛太」韋以茵、市儈嘅「陳積」顏國樑、怕事大學生「斌仔」羅君左同埋鍾意吟詩嘅文青「康仔」李成昌等等。其實除咗呢啲主要角色之外,有唔少依家嘅天王巨星都客串過,好似周星馳、張國榮、梅艷芳都有參與過,當年嘅周星馳都仲係演緊路人甲角色,仲有苗僑偉、汪明荃、曾華倩、鍾鎮濤都有客串過,真係多到不能盡錄。