羅鈞滿提早解約　樂易玲：希望佢戒酒

藝人羅鈞滿尋晚喺無綫台慶之日，突然於社交網站宣布離開效力八年嘅無綫，話希望到外闖一闖，佢留言：「八年來，每年都參與台慶。由第一年以訓練班身份在台慶跳舞，第二年有幸抽中一百萬大獎，到近年有份參與趣劇、在開幕式唱歌、苦練飛躍道等等，每一年都有幸在電視城度過。八年光陰飛快，羅鈞滿也是時候離開母校，出去看看世界！他日學成，定回饋每一位賞識過我的前輩們。」據知羅鈞滿其實同無綫尚有兩至三年合約，而無綫高層樂易玲接受《東網》電話訪問，承認羅鈞滿同無綫提早解約：「希望佢出面有好發展，希望佢日後戒酒同畀心機工作。」

至於羅鈞滿接受《東網》電話訪問表示與無綫是和平分手：「同公司和平分手，好似微博咁講，覺得呢個係時候闖吓，證明下自己。」

__________________________

想聽歌？想睇MTV？想了解本地Indie Band資訊

快啲click入「聲大夾樂」專頁： http://on.cc/musicon