咩係「事實婚姻」？律師話你知！

華人置業前主席劉鑾雄前女友呂麗君，今早又再發出聲明，當中內容提及「事實婚姻」：「傳婚近日對『事實婚姻』這個問題議論紛紛，但此概念在香港並不適用。」究竟「事實婚姻」的是甚麼？《東網》記者透過電話訪問律師梁永鏗，梁律師解釋「事實婚姻」為兩人在沒有正式註冊成為合法夫妻，但曾經過着夫婦生活：「喺香港係唔適用，其實只可以話同居，就算有小朋友，都係解釋為同居。就算一夜情而有子女，都唔等於事實婚姻。」

另外，聲明亦提及：「律師事務所為呂小姐的法律顧問，已經向呂小姐提供了法律意見，並向呂小姐詳細解釋了在沒有婚姻締約（但有子女）的情況下，伴侶的權益和離婚配偶的權益有著（着）重大分別。在沒有結婚的情況下，法律的著（着）眼點會放在子女身上，而非伴侶。」梁律師表示由於呂麗君與劉鑾雄並非合法夫妻，因此最後權益歸子女所擁有：「分開咗，其實男方冇責任理該位女士，但絕對有責任理子女。同居關係嘅男女分開後，原本男方每個月畀一個數目位女士，但分開後唔一定畀番咁多佢，因為唔係離婚而畀贍養費。」