《致命復活》收視勁 郭晉安晒眼袋慶祝?

20161121
東網電視
更多新聞短片
《致》成全城熱話,最高收視更達24點。

視帝郭晉安(安仔)、萬綺雯(蚊蚊)主演的劇集《致命復活》昨晚首播,收視、口碑都相當不俗,安仔的「野人」演出演技當然不容置疑,蚊蚊的演出亦相當感人,而陳庭欣於劇中慘被先姦後殺,下場比安仔更慘!昨晚一連播放兩小時,以星期日此時段的收視來計,昨晚頭一小時,即晚上九時三十分至十時三十分,平均收視有22.1點,比上星期升了3.3點。之後的一小時,由十時三十分至十一時三十分,平均收視有20.1點,比上星期升了6點,而昨晚的最高收視則達24點。憑此劇的首播口碑及觀眾、網民的反應來看,相信之後收視定必陸續上升。

化妝師講劇情講到化漏眼袋

安仔受訪時笑言:「頭先我埋位化妝,個化妝師係咁同我講尋晚場戲,講到唔記得同我補個眼袋,我都唔知好嬲定好笑,我話:『你同我化咗個眼袋先呀!我埋位呀!』真係搞笑。」

阿田未睇先恭喜

而視后田蕊妮亦十分留意《致》,更恭喜安仔拍了一齣好劇,但阿田就還未睇此劇!她對安仔謂:「首先我要恭喜你先,因為我尋晚開緊廠睇唔到《致命復活》,之後助手同我講話真係好好睇,佢仲逼我要我快啲睇,而我未睇佢冇得同我討論佢好『銀住銀住』,話係唔能夠離開張櫈咁滯,恭喜你呀!拍咗套咁好嘅劇。」