王菀之寫新歌念親恩:要陪多啲家人

20161122
東網電視
更多新聞短片
Ivana憑歌寄意,提醒自己要陪多啲父母(圓圖)、陪多啲家人。
歌手王菀之(Ivana)最近除忙與好朋友張敬軒籌備年2月紅館首個合體演唱會外,早前還參演拍了一部馬來西亞電影《大手牽小手》,並擔任電影主題曲《相牽》作曲、填詞和主唱。由於歌詞內容是圍繞時間和珍惜,導演特別選了一間懷舊鐘錶店拍攝MV。
有時間…突然間…沒時間
Ivana說:「寫呢首歌之前,我同導演傾過希望歌詞圍繞『時間』,現今都市人認為時間都喺自己掌握之中,工作、約會、見家人、朋友……但其實無論你願唔願意,時間都喺每分每秒流逝。」與導演商量之後她創意湧現:「一開始我就有好多想法,一邊寫歌一邊填詞,旋律同歌詞幾乎同步完成,期間諗番好多自己成長時同父母嘅溫馨回憶,特別係自從入行後工作好忙,少咗陪父母。好多句都令我想到父母,成首歌最觸動我係最後一句『有時間 突然間 沒時間』。」
Ivana還透露小時候最難忘每晚睡覺前,媽媽都會為自己唱歌講故事,然後拍拍背讓她安睡。而電影故事講述主角與母親的承諾,Ivana笑說:「由細到大我對父母許下好多承諾,好多都已經兌現咗,未兌現嘅應該大家都唔記得咗啦,不過最重要係不斷提醒自己要陪多啲家人。」
__________________________
想聽歌?想睇MTV?想了解本地Indie Band資訊
快啲click入「聲大夾樂」專頁: http://on.cc/musicon