大S宣布復出　低胸上陣博到盡

台灣藝人大S（徐熙媛）自從下嫁大陸商人汪小菲後，先後為老公生咗一女一子，湊成好字，而大S都樂做全職媽媽，仲成日上微博晒仔女可愛萌照。不過大S最近好似戲癮大發，佢係本月4日更新微博，上載素顏相，坦言好想演戲，仲話覺得素顏係女演員嘅最佳狀態。

尋晚大S的工作室就上載咗一條視頻，正式宣布復出喇，佢話：「很久沒有跟大家見面囉，我現在已經正式開始工作，在成為媽媽生了第二個孩子之後，正式跟大家見面。」大S又言心情緊張，面部僵硬，有害羞感覺，好似做新人一樣，最後又預告將會有新作品跟大家見面。

不過片中最大嘅焦點，梗係大S身穿白色低胸裝同大家見面，事業線若隱若現，自從大S做咗媽媽後，都好少性感示人，今次真係激罕呀！難怪老公汪小菲都即刻轉發視頻，大讚老婆「有氣質」啦！

__________________________

想聽歌？想睇MTV？想了解本地Indie Band資訊

快啲click入「聲大夾樂」專頁： http://on.cc/musicon