【深情告白】等緊朱慧敏　彭懷安努力改變

藝人裕美、彭懷安（Eddie）、狄易達等出席餐廳開幕，Eddie特意前來支持經理人文滌，又透露他的餐廳亦即將於九龍灣開第七間分店。問到之後可會更加忙？他笑說：「我就係唔想得閒，所以想忙啲，唔忙好悶嘅，有時放假放得耐都想番返舖頭，要keep住郁，如果唔係個人會懶晒。」

記者指他有伴侶就不會悶，他說：「隨緣啦，寧缺勿濫，個人物冇改變嘅，都仲係Queenie（朱慧敏），但依家keep住做朋友先。（等緊佢？）應該話我等緊我自己變成完全體先啦，女仔都需要有一個安全感嘅屋企，我承擔得到、負責到屋企所有嘅嘢時候，嗰個先係一個啱嘅timing，依家我努力當中。」