張繼聰爆謝安琪佗B後轉口味

藝人張繼聰擔任健身及武術中心開幕活動的剪綵嘉賓，他表示今天是捧朋友場，而且自己喜歡健身，會保持每日做運動，更維持了此習慣兩至三年。他又笑言如果沒有時間做運動的話，就會半夜在家中天台舉啞鈴。現時有六嚿腹肌的他表示：「依家都冇乜人搵我做脫星除衫。（好恨做？）唔係，踏上不歸路好平常，啲劇本好多都無啦啦除衫，我唔介意。」他更大呻之前為練肌肉飲食沒有油分，而現在飲食習慣就改為清淡，沒有打邊爐、食公仔麵及飲汽水，又笑言細女出世時才會食半個公仔麵慶祝。

最愛行超市拍拖

提到老婆謝安琪懷孕後的胃口，他表示：「以前好多覺得好食，依家覺得唔同，品味唔同，但對老公嘅品味冇變。」他更透露為老婆做人肉外賣，收工後會幫老婆買外賣，更不時與老婆行超市入貨，成為二人拍拖情趣。