揸車送羅蘭回家　胡楓唔怕傳緋聞

資深藝人胡楓（修哥）及羅蘭以抽獎嘉賓出席港鐵《開心搭．生日》活動，兩人按掣抽出十二月四日生日的幸運兒。他們更獲贈特別車票供免費乘搭港鐵一年。胡楓大讚方便，怨平時搵位泊車感到麻煩。問是否經常揸車代步？羅蘭搶着說感謝乘搭對方「順風車」回家：「收工時見到修哥，我就唔使等公司車。」問兩人年輕時可有同車，定必傳緋聞？胡楓聞言笑說：「我同過咁多女主角合作，如果要傳我咪好唔得閒！」

談到最難忘的生日經歷？胡楓表示四年前八十大壽當日獲近二百人為他送上驚喜慶生，這是畢生難忘，羅蘭亦有份隱瞞自己。羅蘭笑言忍足半年：「當晚好感動，佢屋企人練定歌上台唱。我忍咗半年唔話佢知，但我哋成日工作會見。」胡楓大爆當時有位不懂中文的孫兒特意把中文歌詞翻譯成拼音獻唱，令他萬分感動。二人被問及聖誕佳節有何安排？他們均表示若有通告就會在工作中度過。