泰國遇驚險事 唐紫睿比堅尼噴血大解放

20161123
東網電視
更多新聞短片
香港冇得晒,泰國慢慢晒!
出道時行性感路線的唐紫睿(Hazel)早前參加《G-1格鬥會》因瞓身練打兼捱得,最終勇奪冠軍,一洗花瓶形象。而早前更加入「打女」行列,於王晶新片《黑白迷宮》打到七彩,還要在該片與任達華、黃德斌等有不少內心戲,不過Hazel全部通通過關,她直言能跟一班好戲之人合作,令她獲益良多!
同姊妹冒險去Party
而日前電影煞科,Hazel亦可以放假「鬆一鬆」,與四位女死黨,當中包括惠生國際新任執董林珈莉等結伴到泰國蘇梅島遊玩。期間,眾人更膽粗粗坐船出海到小島參加「Full Moon Party」,由於過往該派對曾有人被姦殺以及打劫等情況,治安認真麻麻,但由於該派對非常著名,所以,Hazel才與姊妹們冒險前往!
朋友被人摸Pat
由於島上實在人太多,Hazel甫到小島不久便與眾友人失散,由於Wifi蛋在她身上,其他朋友與她一度失聯半小時,嚇得要周圍找她,幸最終「重逢」安然無恙。但估不到的是,繼續玩反而「出事」,Hazel表示:「當晚愈玩愈多嘢,我朋友畀人係咁摸pat pat,我就差啲畀人打荷包,好彩我朋友睇到喝住佢,先至冇畀人扒到(銀包)。」
別墅裸泳
由於幾個女仔去玩,始終都擔心安全,所以,最後都拉大隊返酒店。不過大家餘興未了,遂在酒店別墅再開P,感情甚佳的她們,更齊齊裸泳,盡情享受「月」光浴!今次行程,Hazel直言相當難忘,她謂:「好難得幾個好姊妹能夠一齊去旅行,期間又發生好多事,我仲跌咗個電話落水,所以呢個旅程真係好印象深刻。」
__________________________
想聽歌?想睇MTV?想了解本地Indie Band資訊
快啲click入「聲大夾樂」專頁: http://on.cc/musicon