楊怡羅仲謙齊齊扮小雲放閃晒恩愛

藝人楊怡同羅仲謙今年10月正式註冊結婚，不過兩人結婚各有各忙，大部份時都係分隔異地，聚少離多。早前楊怡出席活動時似有微言，坦言兩人見面機會少。

呢日羅生、羅太終於有機會合體！楊怡當然把握機會上載兩人嘅合照上社交網，向網民晒幸福。相中楊怡和羅仲謙齊齊扮「小雲」，用apps整相「戴住」同款帽同眼鏡，情侣裝示人又齊齊賣萌，而且擺埋同一個甫士，相當有默契。楊怡留言話：「孖寶出動　羅仲謙 今晚吃甚麼好？」佢哋呢個太陽咁猛烈，班網民都大叫好「晒」。