伍允龍力撐劉佩玥做「小三」：角色嚟啫

無綫藝員李佳芯、鄭俊弘、滕麗名、伍允龍、蔡思貝、王君馨等早上在機場出發到馬來西亞出席明晚舉行的《TVB馬來西亞星光薈萃頒奬典禮2016》，李佳芯以素顏亮相，似乎對自己甚有信心，她搞爛gag笑說：「唔係呀，因為唔使拍嘢，所以咪唔化妝，做人唔好咁化好。」李佳芯在新加坡頒獎禮奪得「TVB飛躍進步女藝人」，問到可有信心再下一城？她說：「未必喇，希望有角色獎啦。」問到今次的「戰衣」可會像上次一樣性感？她說：「今次會有少少透視，但唔會露咁多肉。」

力撐緋聞女友劉佩玥

演員伍允龍早上在機場出發到馬來西亞出席明晚舉行的《TVB馬來西亞星光薈萃頒奬典禮2016》，伍允龍是第一次出席電視劇集頒獎禮，他指若果有機會攞獎將會是他第一個演藝獎項，問到他信心怎樣？伍允龍說：「冇諗過，如果有獎會係我第一個演藝獎項。（想唔想同劉佩玥一齊攞銀幕情侶獎？）咩獎都好，有獎攞已經好開心。」 伍允龍又指沒有與劉佩玥襯衫出席頒獎禮，問到可有留意劉佩玥演出的《幕後玩家》「小三」角色演技受讚，他說：「角色嚟啫，觀眾有呢個反應即係佢做得好。」

__________________________

想聽歌？想睇MTV？想了解本地Indie Band資訊

快啲click入「聲大夾樂」專頁： http://on.cc/musicon