避談劉愷威緋聞 劉丹訓練小糯米打高球

20161125
東網電視
更多新聞短片
對於劉愷威與大陸女星王鷗(圓圖)的緋聞,劉丹不想多說。
藝人劉丹到東莞出席慈善高爾夫球賽活動,並在開球儀式上一獻身手,他表示是專程來支持活動:「總之佢地舉辦嘅活動,除非我唔得閒要開工,如果唔係多數都會嚟。(因為自己鍾意打高爾夫球?)係呀,已經耐到唔記得打咗幾多年。(陣間有冇信心打贏比賽?)冇啦,從來都唔諗呢啲,打得開心玩吓就OK。」
問家人可都喜歡玩高爾夫球?他表示兒子劉愷威沒有時間打:「佢上過一堂練過一個鐘後就冇時間。」問可打算讓孫女小糯米學打高爾夫球?他謂打算長大一點才讓她學:「佢依家就嚟兩歲半,諗住三歲半時就搵師傅教佢。(你唔親自教?)我自己渣,基本功要學得好先會進步快。」由於孫女要上學,故沒帶同前來。問今日見不到她可會心掛掛?他笑言:「夜晚返去就見到啦。」
愷威新疆拍劇楊冪上海開工
聖誕節將至,問一家人如何慶祝?他表示家人不太重視聖誕節。問屆時兒子及新抱楊冪可會來港放假?他謂:「唔係咩節,總之一放假就返嚟。(佢哋呢排有冇假放?)應該冇啦!依家個仔喺新疆,新抱喺上海。」
問有傳劉愷威在內地拍劇時跟同劇內地女星王鷗傳緋聞?劉丹未聽完問題即收起笑容謂:「成日都傳啦,今日係慈善高爾夫球,唔講呢啲啦。」並邊說邉走遠,明顯好想避開話題。