陳偉霆晒餅印母子合照　粉絲齊叫「奶奶」

喺大陸紅到發紫嘅陳偉霆（William）拍劇、唱歌瓣瓣掂，被封為「小鮮肉」嘅佢，閒閒哋一張相都幾十萬讚好，作為佢媽媽真係飲得杯落，而William亦非常孝順，就算工作再忙都會抽時間陪媽媽。

今日佢就晒出與媽媽嘅合照，原來William咁靚仔都係遺傳咗陳媽媽，特別係眼同鼻，真係似到十足！不過最奇嘅係，粉絲嘅留言，佢哋都話「婆婆好美」、「婆婆早安」，原來婆婆係內地人對奶奶稱呼，即係粉絲當正William係老公，陳媽媽係奶奶，突然間陳媽媽多咗咁多「新抱」真係唔知開心定好笑喇！