晒孕前弗爆相　陳妍希呻：回不去的時光

台灣女神陳妍希現時佗B約7個月，佢嘅肚皮一日比一日大，昔日嘅弗爆小蠻腰自然唔見咗。呢日，陳妍希喺微博晒出一組懷孕前拍戲影嘅相，仲留言：「懷念一下美麗的夏威夷拍攝時光 話說那時候怎麼能拿（那）麼瘦呢？唉。。回不去的美好時光。」

相中陳妍希手腳纖幼，身材弗到漏油。唔少網友睇完啲相後都有留言安慰女神，紛紛表示：「很快就瘦了啦」、「以後生完寶寶會瘦的」、「你在陳曉心中永遠是最美的」等等，仲有人隔空嗌妍希老公陳曉：「還不來安慰你老婆」，認真搞笑！