Gin Lee同梁榮忠有「不能說的秘密」

20161126
東網電視
更多新聞短片
Gin Lee話靠梁榮忠嘅「秘密」拍喊戲。
歌手李幸倪(Gin Lee)出席微電影《流星飛過後許願前的一秒》首映禮,她說:「戲中我同梁榮忠演一對,係背後默默支持佢嘅女人。(有親熱戲?)拖手囉,反而有場講佢有事入醫院,我要喊得好犀利嘅戲,我演出經驗淺,拍嗰日我靜靜一個培養情緒,導演梁榮忠話:『我哋工作人員Ready晒,你得就拍得架喇!』半個鐘頭後我企起身,我話:『導演,你可唔可以幫我?』於是導演就私下講咗一個佢嘅故事,我聽到喊,呢個時候導演就嗌roll機。」
Gin Lee被問到梁榮忠這個「很能哭的故事」是甚麼?她指這是「不能說的秘密」,她說:「佢話係秘密,所以我唔會講。(關於佢以前啲唔好嘅新聞?)唔知呢,我嗰陣都未嚟香港發展,唔知呀!我係鍾意演戲嘅,經過呢次拍攝,更加發覺演戲好唔容易。(有冇發覺鍾意咗梁榮忠?)我為套戲流眼淚啫,佢好好人,我都好開心可以同佢合作。」